《十大中文金曲》 霆鋒除衫全場High爆

Fri Jan 04 2019 16:16:13 GMT+0800 (香港標準時間)

撰文︰八八通

香港電台主辦嘅《第41屆十大中文金曲 「用心.聽」音樂會》圓滿結束,張敬軒同謝安琪分別奪得「最優秀流行男歌手大獎」同「最優秀流行女歌手大獎」,軒仔今年好豐收,先喺《新城勁爆頒獎禮2018》中奪得「勁爆年度歌手」、1月1日喺《2018年度叱咤樂壇流行榜頒獎典禮》奪得「叱咤樂壇男歌手 金獎」,計埋港台嘅獎,已經勇奪三個男歌手獎啦!

謝安琪同樣係大贏家,包括《新城勁爆頒獎禮2018》奪「勁爆女歌手」、《2018年度叱咤樂壇流行榜頒獎典禮》得「叱咤樂壇女歌手 金獎」、「最受歡迎女歌手」獎,攞埋港台嘅「最優秀流行女歌手大獎」,一共四個女歌手獎!而樂隊Supper Moment就憑《橙海》奪得「全球華人至尊金曲」。

出道33年嘅達明一派,就獲大會頒發金針獎,佢哋唱出經典歌曲《禁色》、《馬路天使》、《1+4=14》、《十個救火的少年》、《天問》、《今天應該很高興》等等嘅串燒歌,令台下歌手High到跳舞。

成晚最驚喜,就係謝霆鋒現身,喺台上唱三首經典歌曲,包括《光輝歲月》、《青空》、《潛龍勿用》,仲High到除衫,又Solo佢嘅招牌結他,全場High爆。

謝霆鋒驚喜現身,做表演嘉賓

霆鋒High到除衫唱歌

謝安琪奪「最優秀流行女歌手大獎」

張敬軒奪「最優秀流行男歌手大獎」

張敬軒同謝安琪,今年大豐收

計埋其他頒獎禮,張敬軒已經攞咗三個男歌手大獎

Supper Moment憑《橙海》奪得「全球華人至尊金曲」

Supper Moment

達明一派奪金針獎

佢地唱咗好多經典歌曲,包括《禁色》、《馬路天使》、《1+4=14》、《十個救火的少年》、《天問》、《今天應該很高興》


#GossipGossip#八八通#全城放狗#香港電台#第41屆十大中文金曲「用心.聽」音樂會》#張敬軒#謝安琪#SupperMoment#達明一派#謝霆鋒#娛樂

相關文章
【歷代華姐老公顏值比併】鍾嘉欣李亞男苟姑娘輸晒 陳法拉法籍老公最有型靚仔
【揭長短腳秘戀】TVB童星四少爺 激嬲「長腿哈比」孭女友贖罪