半島奶黃月餅始創人:走前啲,試下流心芝麻月餅

Thu Aug 23 2018 16:00:00 GMT+0800 (香港標準時間)

撰文︰美食旅客

由半島帶起的奶黃月餅熱潮直至今天仍然熾熱,好多好多品牌潮跟;今年更加再上一層樓,紛紛推出流心奶黃月餅,又係引起一陣搶購潮。

但其實半島奶黃月餅始創人究竟係邊個?這個羅生門事件多年來都眾說紛紜,而且兩位主角亦已離開半島,各自有發展。我們找來其中一位主角、當年半島酒店嘉麟樓點心部主管葉永華師傅,查究一番原裝的奶黃月餅始創人究竟是誰!

13歲便入行學廚的葉師傅,由於爸爸同樣做飲食業,加上家中排行最大,順理成章年紀輕輕便入行。無假期日日返工跟師傅學做點心,日做10多個小時。直至86年入半島做點心部主管。

問到奶黃月餅始創人這羅生門事件,葉師傅很有口德回應:「點答呀?……我86年入半島做點心部主管,你話係邊個創我唔講,總之我做好自己的點心、出品。」

事實上同年的中秋節,史上首批奶黃月餅誕生了。葉師傅:「那年接近中秋,打算做點應節食品送客人,由於酒店走西式路線,嘉麟樓內的甜品都是西式的,例如奶黃包,就連蛋撻都是是傳統的酥皮而是用牛油皮,很受歡迎的呢。」於是葉師傅便靈機一觸,用奶黃餡包牛油皮做成月餅的形狀送給客人當是應節食品,自始大受歡迎。

認識葉師傅的都知道,他很樂意公開食譜,即使是全城均渴求擁有的「半島奶黃月餅」食譜亦照樣公開:「無問題,你跟着做亦未必能做得出我的出品、未必做得出一樣的東西。」他強調,手勢不同,例如搓皮的力度不一樣、甚至溫度,亦會影響每個出品:「即使是一個饅頭,溫度冷熱不同,放置的時間差異,出品亦會不一樣。」

本已退休的葉師傅早打算歐遊歎世界:「周圍去,試試其他人的美食。」後來與現任老闆相遇,萌起重出江湖的念頭:「老闆覺得不要浪費了我的手藝,要傳開去啊。加上給予我相當大的工作空間與自由度。」

重出江湖就是要有點拿手好戲讓大家見識他的看家本領,故此今年全新創製了流心黑芝麻月餅。話說為了此月餅試味過百次,看似材料簡單,但難度卻比奶黃更高:「奶黃餡料搓成一團即成。但芝麻要做到幼、滑、香不容易。炒芝麻過火會燶、不夠香又難食,各方面的技巧也要拿捏準確。」

記者本就亳不嗜甜,基於禮貌本打算小食一口試試味。發覺葉師傅的月餅完全不會過分甜膩的一味死甜。尤其是芝麻月餅,芝麻香剛好,入口比芝麻糊還要滑溜。最讚就是其曲奇餅皮,無論切得多細件,都不會皮餡分離,吃到最後一口都是緊緊的黐在一起。

提到月餅與飲品的配搭,葉師傅認為屬於個人口味,喜歡什麼飲料就配什麼。而他本人則會配香檳:「月餅的甜及熱辣辣,與香檳的微凍好搭配。飲一啖酒再食奶黃月餅,一流!」


皇玥餅藝
網上訂購:www.iPastry.com.hk


#美食旅客#gourmettravellerhk#飲食#奶黃月餅#流心月餅#中秋#月餅#皇玥#葉永華師傅##影片

相關文章
戲曲中心嘆台灣老茶 用一杯旺阿姐解暑
銅鑼灣超市food court新概念 買完食、食完買
《Matilda》對抗命運找到愛 連場感動人心
不丹 (一):綠油「遊」
朝鮮 (四) : 食、買、玩?!

推介文章
3大母親節心水之選
【《17都市驚喜》選舉】17位候選網紅主播誕生 快啲投票選出心水冠軍
【黃心穎避走美國後】鄭秀文開腔:不回望向前看 梁裕恆再爆:有契弟夾女藝人上房
有氣清酒 你試過未?
【一家三口幸福出巡】已修身幾時全面復出?吳雨霏:睇住囝囝先
【為仔讀書移居英國】 雷頌德返香港Shopping止癮
【傳Sammi搬離愛巢情緒崩潰】馬國明避談有冇分手 替心穎求情:佢知錯
【傳無綫抽起黃心穎劇集】許志安狂喊道歉:我係一個壞咗嘅人
【保重呀】去年踢波昏迷入ICU 余德丞黑眼圈超大殘爆
【發現自己係養子深受打擊】胡渭康感情生活神秘 同壯男試化妝品好窩心
【林峯同34D張馨月傳婚訊】吳千語變迷人Pink Lady晒腿反擊
【《淪落人》聲勢強】奪金像獎影帝呼聲高 黃秋生High Tea心情好
按此閱讀臉書精彩內容

熱爆e+up


載入中…
x