【名導林嶺東設靈】 周潤發拖老婆哀傷致祭

Wed Jan 09 2019 21:02:45 GMT+0800 (Hong Kong Standard Time)

撰文︰八八通

著名導演林嶺東上月29日喺屋企猝死,終年63歲,佢曾經執導「風雲」三部曲《龍虎風雲》、《監獄風雲》、《學校風雲》而聞名,曾憑《龍虎風雲》奪得金像獎最佳導演,近年嘅作品就有《迷城》。佢嘅家人今日喺沙田寶福山為佢設靈,林嶺東追思會委員會成員杜琪峯、徐克、岑建勳、張艾嘉,噚日向傳媒發公告,指林嶺東家人希望喪禮低調進行,婉拒各界好友嚟致祭,更加提醒唔好送花籃、花牌,而佢哋喺1月26日喺中環餐廳「好酒好蔡」為林嶺東舉行追思會。

今日嘅喪禮一切從簡,靈堂大門一直關上,林嶺東嘅遺照上方橫匾寫上「永遠懷念」,雖然家屬希望大家唔好送花牌,但林嶺東一班好朋友仍然送上花牌致意,包括導演王家衛、林德祿、藝進同學會、藝人古天樂、張智霖夫婦等。杜琪峯一早到場打點,尹揚明亦有到場致祭。

至於剛在澳門工作返港嘅周潤發全身黑色素衣,同發嫂拖手到場,見佢神情哀傷,不發一言進入靈堂,佢同林嶺東識於微時,唔止係同屆訓練班同學,喺電影亦有好多合作,包括《龍虎風雲》、《監獄風雲》、《伴我闖天涯》、《監獄風雲2逃犯》,《龍虎風雲》喺「第7屆香港電影金像獎」有好好成績,發哥憑呢套戲封影帝,林嶺東亦獲頒最佳導演獎。

發哥同發嫂一身素服到場。

發哥神情哀傷。

林導,一路好走!

著名導演林嶺東上月29日喺屋企猝死,終年63歲。

藝進同學會送上花牌。

靈堂大門一直關上。

追思會委員會成員杜琪峯一早到場打點。

王家衛送上花牌。

古天樂亦有送上花牌。

發哥同林嶺東合作無間,《龍虎風雲》係其中之一。

喺林嶺東執導嘅《監獄風雲》入面,發哥最經典嘅對白就係:「我大聲講嘢唔代表我無禮貌!阿Sir!」

《迷城》係林嶺東近年嘅作品。


#GossipGossip#八八通#林嶺東#龍虎風雲#監獄風雲#學校風雲#迷城#杜琪峯#王家衛#林德祿#藝進同學會#古天樂#周潤發#尹揚明#追思會#e+娛樂#娛樂#影片#推介#熱話

相關文章
【旅遊項目第9集】張寶華大讚年輕人好叻 一定會摸到自己一片天
【《明生登高》第12集】移民台灣Part 2: 圍城台灣
【《明生登高》第11集】移民台灣Part1: 台灣與香港的距離
【《明生登高》第10集】美帝卑鄙還是偉大(下)
【《明生登高》第9集】美帝卑鄙還是偉大(上)

推介文章
3大母親節心水之選
【《17都市驚喜》選舉】17位候選網紅主播誕生 快啲投票選出心水冠軍
【黃心穎避走美國後】鄭秀文開腔:不回望向前看 梁裕恆再爆:有契弟夾女藝人上房
有氣清酒 你試過未?
【一家三口幸福出巡】已修身幾時全面復出?吳雨霏:睇住囝囝先
【為仔讀書移居英國】 雷頌德返香港Shopping止癮
【傳Sammi搬離愛巢情緒崩潰】馬國明避談有冇分手 替心穎求情:佢知錯
【傳無綫抽起黃心穎劇集】許志安狂喊道歉:我係一個壞咗嘅人