【周末小旅行】曼谷Marvel體驗館 玩足兩粒鐘小心腳仔軟

Wed Jul 11 2018 20:11:22 GMT+0800

撰文︰美食旅客

剛剛於曼谷開設嘅Marvel體驗館,係東南亞地區唯一、亦號稱規模比美國更大。佔地過萬平方米嘅體驗館有紀念品店、Café小食店、仲有兒童天地,當然最叫人期待嘅一定係Attraction Zone遊戲專區。

Attraction Zone 一共有12關,過晒12關總共要2小時。分時段有泰文同英文解說,大家喺買票時就要揀定語言喇。

入到去頭幾關都係不斷不斷又不斷咁望住個大Mon聽解說,因為你要了解遊戲嘅背景,大意係話Marvel各英雄要對付3大壞人,咁大家呢就係新兵喇,要幫手對付壞人。故此頭幾關大家係企定定咁聽一大爛餐解說,無任何互動。老實講,係幾悶嘅,當然如果閣下係Marvel忠粉就另計啦。

雖然話聽解說悶悶地,但每關都有唔同裝置,都算係打卡位,例如去到Iron Man基地有6隻1:1嘅大型Iron Man模型等等;可惜Attraction Zone內只能影相不能拍片,大家要注意喇。

除咗一連串累贅嘅解說,最吸引當然係各個互動遊戲。其中一關係戴上3D眼鏡對住大屏幕開槍射敵人,每人每把槍都會有感應器顯示分數,分數高低……都無關係,純粹畀大家自high一番。

另有一關係喺號稱全亞洲最大360度半球形天幕再次戴上3D眼鏡睇動畫。你就當係喺大型好多倍嘅太空館內睇動畫一樣。由於畫面太大,記者建議大家瞓喺地上睇先有機會睇到全個天幕。能夠環迴又3D咁睇到英雄開戰,的確係幾刺激。

作為唔是Marvel忠粉嘅記者來說,最好玩係坐4D飛機呢一關。戴上3D眼鏡同安全帶後就開始「作戰」:好似睇4D電影一樣,你坐嘅係復仇者聯盟飛機,座位會根據劇情發展而「上天下地」,天上飛就勁大風、仲會噴水射到濕晒,Chok到勁刺激好玩,真有如作戰一樣。

到最後一關有粉絲福利,就係同各個超級英雄合照~。不過可惜無得揀角色,係隨機排到邊條隊就入房同英雄合照,可否遇到心儀角色要睇運數。



#marvel#bangkok#體驗館#曼谷#東南亞地區唯一#規模比美國大#真心粉絲必去#美食旅客#飲食#影片

相關文章
短髮冇霸氣? 網民評價雷神新look:好似徐錦江
留鬚化身港版狼人 羅莽爆肌加盟「Marvel戰隊」
Iron man登陸香港迪士尼 園區介紹搶先睇
《英雄內戰》新角色出場 美國隊長有可能會死?
周末小旅行 去曼谷LINE VILLAGE瘋狂影相打卡

推介文章
【傳Sammi搬離愛巢情緒崩潰】馬國明避談有冇分手 替心穎求情:佢知錯
【傳無綫抽起黃心穎劇集】許志安狂喊道歉:我係一個壞咗嘅人
【保重呀】去年踢波昏迷入ICU 余德丞黑眼圈超大殘爆
【發現自己係養子深受打擊】胡渭康感情生活神秘 同壯男試化妝品好窩心
【林峯同34D張馨月傳婚訊】吳千語變迷人Pink Lady晒腿反擊
【《淪落人》聲勢強】奪金像獎影帝呼聲高 黃秋生High Tea心情好
【袁偉豪打算海外閃婚】張寶兒同胞妹張寶欣風騷玩直播
【香港瑰麗酒店開幕】何超瓊李嘉欣甘比同場 掀出千絲萬縷豪門情史
同老婆拍拖好慳家 72歲尹光企住搭叮叮
樂壇天后陳慧琳 慳家貼地睇平衫
【一齊變老好洋葱】丁子高為楊千嬅緊張傾生意
【韓星性醜聞懶人包】勝利接受警方調查 鄭俊英涉偷拍面臨坐監
按此閱讀臉書精彩內容

熱爆e+up


載入中…
x