【暑假好去處】 3星期任玩充氣樂園

Mon Jul 09 2018 14:25:13 GMT+0800

撰文︰美食旅客

家長們,今個暑假唔使煩惱諗節目啦!
小編有計,一於帶子女去大白灣沙灘,設置一系列超大型充氣遊戲,組成「恐龍歷險樂園」,小編睇見都「嘩嘩」聲,一連3星期、共4個周末的「 愉景灣夏日滿Fun」暑期限定活動,仲要係免費任玩,咪錯過啦!

「小恐龍滑水梯」由3條環繞的滑水梯組成,瀡水梯不但可體驗清涼滑翔快感,仲可以欣賞沙灘美景。

睇見最大型、最好玩,相信係由3條充氣滑水梯組成嘅「小恐龍滑水梯」,小朋友可從滑水梯彷如飛翔而下,欣賞沿海景色,暢快無比;仲可以參加滑水梯旁嘅「小船長水上派對」,當中設有彩色手搖小艇,讓小朋友可以自由操控,盡情玩樂之餘,又可鍛煉手腳協調,一舉兩得,啱晒酷愛刺激玩意嘅姨甥仔,放電一流!

小恐龍滑水梯旁的池設置透明的巨型充氣大滾輪,大人細路都可一嘗「水上飄」滋味!

色彩繽紛嘅手搖小艇,讓小朋友可以自由操控節奏和移動路徑,同時又可鍛煉手腳協調,一舉兩得。

作為姨姨,當然不能偏心,也要顧及較文靜嘅姨甥女嘅感受。每逢周末,愉景北商場都會加推「繽 Fun‧童享」嘉年華,除咗大型充氣遊戲,考小朋友眼界及腳法嘅「至激射門」、「決戰地鼠」;同時設有百變扭氣球及繽紛彩繪,以色彩繽紛、造型千變萬化嘅氣球藝術和身體彩繪,相信兩兄妹都能玩個痛快!

除咗水上遊戲,另設有數項型充氣如「變身神射手」、「棒球小子」和「小足球員 」,考驗小朋友的眼力和手腳協調。

日期:21/7-12/8
地點:愉景灣大白灣沙灘及愉景北商場
開放時間:11am-6pm
費用:全免
遊戲券換領:
‧凡於愉景廣場、北商或灣酒店餐飲單一消費滿$120,出示餐廳即日收據正本,即可換領遊戲券乙張。
‧憑遊戲券可到大白灣沙灘參加「Q版運動會」(遊戲包括:小小足球員、變身神射手、棒球小子、百變扭氣球及繽紛彩繪)各遊戲乙次。
‧憑券於周末期間 亦可到愉景北商場換領各款百變氣球乙個及創意彩繪乙次。
‧每張收據最多只可換取3張遊戲券。
詳情:www.ddeck.hk


#美食旅客#熱話#旅遊#暑假好去處#愉景灣#3星期任玩#充氣樂園#嘉年華#一家大細都啱玩

相關文章
$148 五星酒店歎土生葡人下午茶 St. Regis Macau
CHLOE、Longchamp、Furla手袋 3千蚊有找!
名廚江振誠擔任川江月創意廚藝總監 發揮川菜無限可能性
貴族英式下午茶
Häagen-Dazs、MOVENPICK雙球雪糕 買一送一

推介文章
【一家三口幸福出巡】已修身幾時全面復出?吳雨霏:睇住囝囝先
【為仔讀書移居英國】 雷頌德返香港Shopping止癮
【傳Sammi搬離愛巢情緒崩潰】馬國明避談有冇分手 替心穎求情:佢知錯
【傳無綫抽起黃心穎劇集】許志安狂喊道歉:我係一個壞咗嘅人
【保重呀】去年踢波昏迷入ICU 余德丞黑眼圈超大殘爆
【發現自己係養子深受打擊】胡渭康感情生活神秘 同壯男試化妝品好窩心
【林峯同34D張馨月傳婚訊】吳千語變迷人Pink Lady晒腿反擊
【《淪落人》聲勢強】奪金像獎影帝呼聲高 黃秋生High Tea心情好
【袁偉豪打算海外閃婚】張寶兒同胞妹張寶欣風騷玩直播
【香港瑰麗酒店開幕】何超瓊李嘉欣甘比同場 掀出千絲萬縷豪門情史
同老婆拍拖好慳家 72歲尹光企住搭叮叮
樂壇天后陳慧琳 慳家貼地睇平衫
按此閱讀臉書精彩內容

熱爆e+up


載入中…
x