飛俄羅斯睇世盃你要知

Sun Jun 03 2018 10:00:00 GMT+0800

撰文︰美食旅客

飛俄羅斯睇世盃你要知

2018年世界盃,將會於6月14日至7月15日喺俄羅斯舉行。相信好多死忠球迷都想親身飛過去睇波。但俄羅斯始終算係冷門國家,唔係好多香港人旅遊嘅首選,而且好多人都驚語言不通,又怕機票貴,與其驚呢樣驚果樣,不如而家一齊嚟睇下攻略準備充足好過啦!

今年世界盃喺俄羅斯舉行

1. 持香港特別行政區護照係咪免簽證?

香港特別行政區護照現時有162個國家和地區給予香港特別行政區護照持有人免簽或落地簽證,俄羅斯都包括在內。即係話持特區護照,就有俄羅斯14日免簽。

球迷一定會問,得個14日點夠我直擊世界盃呀?睇一半都唔夠喎!如果想超過14日就要申請旅遊簽證,可以將逗留時間延至30日。不過申請過程十分繁複,要由酒店或者旅遊中介發出一封visa support document,證明你今次去旅行目的。

其實想多過14日,又唔想咁麻煩搞簽證,都唔係無可能。教大家一個精明好方法。其實14日免簽係以每一次入境計算,換個角度,即係去鄰近國家過過冷河再入境!當再次入境時, 14日免簽會重新計算。

波羅的海三國 : 立陶宛的十字架山

2. 可以去邊個國家過冷河呢?

俄羅斯地理上鄰近波羅的海三國,意指愛沙尼亞、拉脫維亞同立陶宛,係冷門,不過一樣有歐洲特性小鎮睇,而且鼎鼎大名既十字架山就喺立陶宛!除波羅的海三國,budget充裕的話,仲可以喺立陶宛取道波蘭、布拉格、奧地利等等,睇世界盃之餘,仲可以去埋一個東歐trip!

風景優美嘅莫斯科

3. 持有BNO可免簽入境嗎?

遺憾地,如果你持BNO入境,一定需要申請簽證。而喺香港申請簽證有兩個地方,一個係俄羅斯大使館,另外一個係俄羅斯簽證申請中心,如果你透過俄羅斯簽證申請中心申請,需支付$600和$400服務費。經俄羅斯大使館申請,只需支付$600簽證費就得。所以要細心揀,揀得精明有得慳!

4. 國家與國家之間的交通可以點安排?

有Budget的話,當然可以揀飛過去唔同城市。不過坐巴士,都係一個不錯之選。Simple Express就係一間具規模的跨國巴士公司,班次密,價錢亦合理。舉個例,俄羅斯去愛沙尼亞,呢條路線早中晚都有車,時間上選擇多多,價格方面都好實惠。小編就實測6月18日,莫斯科去愛沙尼亞既巴士價格都係63歐元,轉番港幣係$577,平過飛機多多聲。


#美食旅客#熱話#旅遊#世界盃#俄羅斯

相關文章
有著數!! Facesss勁減,仲送禮!
3大母親節心水之選
水底萬花筒 斯米蘭
有氣清酒 你試過未?
$148 五星酒店歎土生葡人下午茶 St. Regis Macau

推介文章
3大母親節心水之選
【《17都市驚喜》選舉】17位候選網紅主播誕生 快啲投票選出心水冠軍
【黃心穎避走美國後】鄭秀文開腔:不回望向前看 梁裕恆再爆:有契弟夾女藝人上房
有氣清酒 你試過未?
【一家三口幸福出巡】已修身幾時全面復出?吳雨霏:睇住囝囝先
【為仔讀書移居英國】 雷頌德返香港Shopping止癮
【傳Sammi搬離愛巢情緒崩潰】馬國明避談有冇分手 替心穎求情:佢知錯
【傳無綫抽起黃心穎劇集】許志安狂喊道歉:我係一個壞咗嘅人
【保重呀】去年踢波昏迷入ICU 余德丞黑眼圈超大殘爆
【發現自己係養子深受打擊】胡渭康感情生活神秘 同壯男試化妝品好窩心
【林峯同34D張馨月傳婚訊】吳千語變迷人Pink Lady晒腿反擊
【《淪落人》聲勢強】奪金像獎影帝呼聲高 黃秋生High Tea心情好
按此閱讀臉書精彩內容

熱爆e+up


載入中…
x